【Now新聞台】截至早上11點，1小時內《彭博》用戶關注度上升最多嘅港股，依次為聯想集團、中國海洋石油、龍源電力、金沙中國、思摩爾國際
聯想公布回A計劃，準備返內地科創板發CDR，安山資本資產管理部董事黃志陽指，返科創板上市估值高好多，依家科創板股市盈率(PE)，比香港上市同類型高1倍至2倍，加上聯想喺內地受歡迎，如果成事，喺正式回A前，都會利好香港嘅股價。
黃志陽又話，除咗回A因素，聯想人棄我取嘅PC業務，喺疫情下PC大賣，有基本因素支持下，聯想股價有機會喺高位徘徊，但唔建議現價高追，等股價落返8蚊再追返轉頭。
