【Now新聞台】截至早上11點止，《彭博》Top Search No.1為中海油，第2位至第5位為中石油、中石化、中海油田服務及新世界發展。
油市大混亂，沙特阿拉伯主動放棄油組機制，聲稱會獨自減價兼增產，表明要同俄羅斯以至美國搶奪市場，油價隨即「插水」。對國際油價敏感度高嘅中海油，股價立即跌20%，到底呢種情況會持續幾耐？
協同博勤金融集團行政總裁曾永堅指，現時市場預期環球經濟唔單止係放緩，更可能陷入衰退。沙特之所以擴大供應，除咗想搶市場，似乎都想「靠量」嚟彌補價格嘅損失。Jasper又話，沙特減油價的消息，事出突然，令之前入市搏油價反彈的資金，有大量拆倉、減倉嘅舉動，加劇國際期油跌勢，估計短期內，應該仲有波動「試底」嘅情況，中海油股價亦應該未見底，仍有調整空間。
