【Now新聞台】截至早上11點止，《彭博》Top Search No.1 為中石油，第2位至第5位，分別為工行、中海油、新世界及新地。
國際油價無論係布蘭特期油定紐約期油都齊齊跌近3%，中石油同中海油股價都跟跌。但依家市場憧憬本周四、五油組開會，睇吓會唔會減產以維持油價穩定，呢個憧憬可唔可以抵銷經濟下行對石油嘅需求？
協同博勤金融集團行政總裁曾永堅指，紐油同布油近期累積較大跌幅，係因為大家擔心環球經濟會陷入衰退，所以大家先會對石油，呢類對經濟敏感嘅期貨市場作拋售。Jasper話，始終現時疫情唔止全球擴散，仲要喺未受控，所以市場仍憂慮環球經濟會出現放緩，甚至衰退情況，即使油組肯減產，但需求主導油價嘅走向較大，減產決定未必能夠扭轉油價反覆向下趨勢。
