【Now新聞台】截至早上11點止，《彭博》Top Search No.1 為海螺水泥，第2位至第5位，分別為合景泰富、瑞聲科技、新鴻基地產及新世界發展。
據報七大工業國財長與央行行長今日將會進行電話會議，跟進疫情對環球經濟的影響。市場憧憬環球多國將聯手救市，不過疫情對經濟的影響，係咪單靠「放水」就可解決？
睇返過去十幾年央行都曾經三次聯手救市，當中包括08年雷曼倒閉危機。但今次新型冠狀病毒疫情引發市場恐慌，股市跌幅特別急，加上涉及全球消費與生產同時停頓嘅風險，同以往三次危機唔同，靠央行大規模放水都未必可以解決，加上環球息率嚴重偏低，彈藥已經好有限！要留意G7今次點出招，可唔可以對症下藥！
