【Now新聞台】截至早上11點止，《彭博》Top Search No.1為中國恒大，第2至第5位為世茂房地產、比亞迪股份、安踏體育及吉利汽車。
恒大上日公布發美元票據，為3年期息率11.5厘及4年期息率12厘，比今年到期嘅息率7厘嘅高，但市場反應就麻麻，點解佢要俾咁高息？
大華繼顯執行董事梁偉源指，由1月初到依家好多隻內房股都發過票據，可能有啲資金已經抽走咗，所以後期再發票據嘅內房股就要俾高少少息率去吸引資金。另外，恒大之前負債比率高，所以要俾高息去發票據。Steven又話，雖然恒大上年賣樓嘅生意唔差，但佢開出嘅利息比同業高好多，而且又冇乜分拆物管業務上市嘅消息，所以都令投資者擔心佢嘅財務狀況。
