【Now新聞台】截至早上11時止，《彭博》Top Search No.1為小米集團，第2位至第5位為時代中國、雅生活、美團點評 、融創中國。
小米集團第三季業績大行普遍都收貨，雖然季內智能手機收入按年跌7%，但較第二季微升0.7%。野村出咗警告，話小米第三季智能手機付運嘅壓力，將延續至第四季，不過花旗就睇好小米明年業績增長將靠5G帶動，咁小米係咪仲要靠智能手機突圍？
英皇證券銷售部副總裁林建華認為，現時5G嘅勢頭好勁，加上中央政府喺數據使用上有好大嘅讓步同優惠，刺激咗「換機潮」。今次出咗業績都睇到小米有好多亮點，但小米之前累積太多「蟹貨」，股價上到去9.3元就炒唔起，投資者要睇實呢個位。
