【Now新聞台】截至早上11時止，《彭博》Top Search No.1為中國飛鶴(停牌中)，第2位至第5位為美團點評、中國恒大、藥明生物、平保。
標榜係內地最大嬰幼兒配方奶粉生產商嘅中國飛鶴，上星期先掛牌，以招股價下限7.5元定價，但上市後股價表現弱勢，較上市價累跌約16%。但上市無耐，就被沽空機構GMT睇中，質疑高盈利能力但過往五年無派息，反映賬目似乎有問題。
公司今早停牌，官網已經出聲明否認指控話嚴重失實，目前就等港交所發正式澄清通告。騰祺基金管理投資管理董事沈慶洪認為，有沽空機構出報告，投資者多少都要有啲警覺，當然都要睇公司澄清通告有無詳細交代相關指控，中國飛鶴之後股價會點走，就好睇市場「信邊個」。
