【Now新聞台】截至早上11時止，《彭博》Top Search No.1為平安好醫生，第2位至第5位為中國人壽、美團點評、九龍倉置業、平保。
美股三大指數近日輪流破頂，但上日傳出兩個不利消息：聯儲局堅持暫停減息，及中美可能今年都無法簽署首階段貿易協議，會唔會令美股愈來愈「高處不勝寒」呢？
參考利率期貨市場嘅估計，下個月聯儲局再減息機率只有2.5%，但中美今年內簽唔到首階段貿易協議消息一出，令美債孳息受壓。睇返《彭博》比對美股同美債孳息嘅表現，美國10年期債息喺一星期前開始顯著回落，唯獨美股依然屢試新高，好可能係美股見頂回落嘅先兆。
