【Now新聞台】截至早上11時止，《彭博》系統Top Search No. 1為新濠國際發展，第2至5位依次為長江基建集團、龍光地產、合景泰富集團及美團點評。
恒生指數自1997年以來，有好幾次曾經由高位大幅回落，包括1997年至1998年亞洲金融風暴跌61%；2000年科網泡沫跌爆破至2003年沙士爆發就跌咗54%；2007年至2008年金融海嘯係回落幅度最大嘅一次，喺240日內累跌66%，之後用左超過2200日，到今年1月先至收復所有失地；其後仲有2011年歐債危機，以及2015年A股股災同2016年A股熔斷等。至於今次因為中美貿易戰而調整，幅度只係大約26%，可唔可以同以往比較呢？
Heidi話，之前幾次嘅危機都係因為經濟基本面唔好，令到個市散，但今次嘅基本面其實唔錯，只係突然間爆發貿易戰，個市先會跌。因此，如果貿易戰得以解決，恒指或者可以反彈回復得好快......
