【Now新聞台】截至早上11時止，《彭博》系統Top Search No.1為國泰航空，第2至5位依次為世茂房地產、融創中國、金沙中國和萬科企業。
國泰話，3月發現系統有可疑活動，5月就確認有940萬名乘客個人資外洩，但事隔五個月，國泰先公布呢件事，更可能要面臨天價罰款。消息一出，國泰股價即破底，曾跌穿10蚊，跌至2009年以來低位。
Now財經台評論員趙善真話，雖然唔知國泰股價急挫同今日港股冧市有冇關，但今次事件肯定係企業危機，佢又話事件令人震驚，一定會影響乘客信心。趙Sir又話，國泰公告用咗「個人資料被不當取覽」嘅字眼，令人覺得國泰企圖淡化事件同黑客入侵有關。
