【Viu】許志安今晚喺西九戲曲中心舉行爵士樂音樂會,完騷keep住個hyper mode受訪,大讚fans反應極好、勁投入!加上個場聲靚mood正,都唔覺意自動encore,或者考慮下次喺呢個場開騷?又或者開side track演唱會?
Janice衛蘭世界巡迴演唱會《OUT OF FRAME》4場紅館騷今晚頭場。今次香港站舞台大玩360度旋轉樓梯,極震撼!當Janice 360繞場演唱《你知道我在等你們分手嗎》時,「特別嘉賓」Feanna黃淑蔓就喺觀眾席攞咪同Janice隔住個台合唱,兩把靚聲,超爆正囉!
今晚嘉賓係三缺一嘅草蜢,蔡一傑、蔡一智爆蘇志威去咗遊埠所以嚟唔到,不過唔影響情緒㗎,蔡氏兄弟孖Janice唱《永遠愛著您》、《Lonely》,好聽!三人又互笠高帽,草蜢指超欣賞Janice,Janice則指前輩係樂壇Legend,又指「細細個就聽你哋嘅歌長大」,喂呀得唔得㗎!阿智再爆每逢農曆年全屋放滿「蕙蘭花」,所以Janice係蔡家吉祥物,笑C!
而觀眾席上就有洪嘉豪、Winka陳泳伽、朱芸編、泳兒、鍾舒漫、王君馨、蔡思貝、雲浩影、黃淑蔓、Stone等嚟撐場。另外一眾前輩如張學友、容祖兒、張敬軒、莫文蔚、張柏芝、成龍等都有送花籃,但最funny就一定係前老闆黎明,佢個花籃寫住「Good Show,Good Luck,Show前唔好食,Show後馬上食」,除咗花之外,就放滿唔同味道嘅薯片同零食,會唔會太貼心呀!
