【VIU】林家謙、衛蘭、Yoyo岑寧兒及Cloud雲浩影噚晚（11日）為香港鋼琴演奏家、作曲家及編曲家Joyce張貝芝嘅《Once in a Blue Moon 》音樂會擔任表演嘉賓，呢個音樂會亦係《本地薑音樂節2024》嘅壓軸節目。家謙向高難度挑戰，選唱王菲《冷戰》，Joyce問家謙點解揀呢首歌？家謙坦白答：「吓，唔係我揀，係我哥哥揀。」真係估佢唔到。
家謙喺台上被Joyce爆料，指喺一個音樂會上，家謙要將一首C major嘅歌，升一度變D flat major，搞完一輪，家謙又話想轉返原本音調，呀......家謙聽完笑住話：「吓，咁煩呀？哈哈。我都唔記得呢單嘢...」全場笑cry呀！家謙嘅「麻煩」事件當然唔止一單啦，不過Joyce其實好欣賞家謙對音樂嘅追求，二人合唱兼四手聯彈演繹《特倫斯夢遊仙境》。最後Joyce 再聯同Cloud、家謙與Yoyo，一同與全場歌迷合作演繹重新編曲嘅《Old MacDonald Had a Farm》作結，想睇更多即去片！
