【Viu】姜濤今日以代言人身份出席《全新HKT.AI發佈會》，分享使用AI點樣便捷日常生活，仲不時發放姜式幽默，笑爆全場！姜濤受訪時暢談使用AI嘅趣事，除咗試過同AI鬧交，仲試過問AI關於宇宙嘅奧秘，真係估佢唔到㗎！至於AI建議佢喺團Con同Tiger表演武術，姜Admin又點睇呢？
講到姜濤喺團綜組織咗「濤Team」，仲畀Stanley踢爆漢堡包未找數，姜濤話已經同校方溝通緊點找數，仲豪言要請晒全校師生食漢堡包，亦唔Mind認係有錢人，咁Real得唔得㗎！再問到佢「最愛」嘅大表哥已成為人夫，原來姜濤係唔知道有香港婚禮，但就大方回應江湖傳聞嘅峇里島婚禮，仲沾沾話已經學咗打麻雀去迎戰添！
此外，姜濤當然有繼續開心Share日前喺澳門出席NBA活動嘅趣事，最興奮係偶像林書豪以Bro稱呼自己，仲話已經交換埋What’s App，之後出戰903籃球賽可以向偶像求救咁話！
