【Viu】恭喜亞運劍擊奪兩面銀牌嘅「世一」Ryan蔡俊彥，當選2026十大傑青，發表得獎感言時自爆數年前曾參選但未獲選，現在開心獲得認可，佢暢談衝破逆境嘅經歷，又話好榮幸可以同另外8位得獎者分享殊榮，希望攞獎後盡責任令香港人更開心！
會後Ryan受訪談及亞運攞獎感受，直言團體賽自覺訓練不足、表現不穩，唔開心累到隊友、教練！Ryan嚟緊下星期又會再飛日本參與另一場賽事，會重拾正能量，盡全力應戰！但傷患方面仲有冇影響？
笑談同老Best Edan@MIRROR喺Threads上「耍花槍」擊退Haters，Ryan指做公眾人物最緊要係帶歡樂畀觀眾，再自嘲攞獎金整容話題，對Edan留言話獎金淨係夠整個鼻，Ryan又點反擊？真係考慮過整容？佢指Edan私下都傳訊息畀佢打氣，係愛呀！但講真嘅，佢又諗住點用筆獎金先？
喺歡笑嘅背後，Ryan自爆因為啲負評出現喺比賽前一日，睇完真係唔開心咗成朝，唔同以往只係唔開心5分鐘，反讚Haters呢個攻擊策略好成功！叫Ryan嘗試比賽前一日、甚至一星期唔睇手機，佢又做唔做到？
提起大師兄張小倫以記者身份飛去名古屋採訪佢哋，Ryan開心大師兄成功轉跑道，然後突爆自己都踏入思考退役階段，大方向一係做教練、一係做歌手？既然講到歌手身份，Ryan再送驚喜，宣布星期五出新歌《你是來搗亂的》，連歌名都咁符合佢嘅搞怪人設，即刻去片睇Ryan嘅真情訪問啦！
