【Viu】Ryan Choi蔡俊彥為第二首solo情歌《死因不明》拍攝MV，好驚喜邀請到女神Ivy So@COLLAR做女主角！佢搞笑話因為身邊有好多朋友都好鍾意Ivy，所以冒住被斬嘅機會，不過Ryan識趣自認抵斬！呢次搵Ivy演出原來係Ryan同經理人嘅意思，背後有咩原因呢？
Ivy喺MV中飾演100分嘅好女友，會煮定飯畀「男朋友」Ryan食，如同現實中會煮飯畀細佬食嘅人設！之但係佢哋兩個都係第一次見面、又各自封做I人，拍起情侶嗰啲sweet sweet moment會唔會好老尷㗎？Ryan繼續搞笑賣口乖話多得「姐姐」Ivy carry，再自爆MV入面有場「床戲」係要配合某啲動作添！至於Ryan就演一個成日會忽略女朋友，最後被分手，私下本人又係點同女朋友相處？
講返呢次係Ryan首次拍MV有女主角，坦言事前都擔心演戲、拍咪嘴唱歌嘅場口，但到正式roll機嗰陣又比想像中輕鬆自在，佢仲趁機向Ivy請教咪嘴技巧，唔知Ivy醒咗啲咩tips畀Ryan？之後佢哋又有冇機會出合唱歌？Ivy即場邀請Ryan跳舞成唔成功？去片睇訪問就知啦！
