【Viu】Edan呂爵安同Ryan蔡俊彥今日合體出席活動，同Fans大玩估歌仔遊戲，Edan組遭世一組以5:0 KO，場面搞笑！Edan同Ryan除咗分別獻唱Solo歌《壞人一個》、《死因不明》外，當然唔少得合唱歌《1206》啦！
呢對「1206室友」受訪時繼續互窒，Ryan封Edan做「12樓大喇叭」，成日爆響口，自己都聽唔少秘密，自己為咗老Best只好認係「12樓小喇叭」咁話！講到喺廣告中有玩腳趾場口，兩位就開始暴走，Ryan笑認平時唔止玩，直頭係「吮腳趾」，當食雞腳咁喎；Edan即接力話腳趾口味好似韓式炸雞咁可以轉換，SLDPK呀！
既然兩位Friend到咁，噚日又一杯咖啡兩份飲，不如下次拍埋BL咀戲啦？Ryan就一秒落閘，仲話識揀一定揀Ivy So；Edan就高呼揀Ryan，呢啲咪㩒撈囉！
講到Edan嘅反白眼表情登上國際搞笑專頁，Ryan就話以前冇見過反白眼，Edan都話係因為《全民造星》先開發咗呢個技能，估唔到係憑反白眼衝出香港呀！
想知道Ryan去印度參與劍擊亞錦賽嘅賽後感？聽完Edan慘情歌會點樣影響賽果？記得睇足本訪問喇！
