【Viu】泰國人氣女演員兼歌手Becky Armstrong今日現身尖沙咀品牌活動，除咗冧晒廣東話：「大家好！我係Becky！」又不停派心同飛吻，仲搵埋情歌王子Jay Fung 合唱佢首仲未推出嘅新歌《Unsaid》，超好聽呀！Jay Fung事後表示好開心有今次合作機會，但自嘲38歲年紀大嘅佢，事前要記英文歌詞勁緊張，竟然係咁？本身Jay Fung有準備泰文同Becky打招呼？
今年係Jay Fung嘅crossover年，最新同Serrini feat.《人間缺憾美（風之擁抱）》，同樹妮妮合唱有咩趣事？唔知Jay Fung依家還晒歌債未？被追歌嘅同時，有冇被未婚妻催婚？Jay Fung坦承婚期on hold中，指係雙方嘅意思，希望2027年可以完婚啦！
提到佢最近上柿柿嘅網台節目飲酒玩game，Jay Fung揚言好少飲醉，因為驚失控，唔知失控嘅Jay Fung會做啲咩？節目入面Jay Fung開心抽NBA卡，笑問佢用咗幾多錢抽卡嗰陣，Jay Fung一臉欲言又止咁款，驚畀媽咪、未婚妻鬧？
咁啱NBA超級球星「咖哩仔」Stephen Curry噚日旋風式訪港，球迷Jay Fung失望話唔知道，下一秒就抵死笑言驚出現追星搶咖哩仔風頭，再用「我中文唔係咁好」嚟包底，識玩呀！佢仲笑稱Phil、釗峰打波錫身兼唔叻？想聽Jay Fung搞咗啲咩gag就去片睇足本訪問啦！
