【Viu】Pakho周柏豪今日現身華為香港嘅HUAWEI Pura 90s系列新機發佈會，即場同大家開心share用旗艦型號 Pura 90s Pro Max 攝影嘅心得！Pakho仲自封為攝影發燒友，喺屋企除咗身兼康樂組、保安組嘅組長之外，仲係大會攝影師，10分滿分自評7、8分㗎，勁沾沾咁話從未被老婆詐型影相唔靚！不過就爆老婆跌出頭三位Model，咁講唔怕跪玻璃？頭三位Model又分別係邊個？
講到黑圖庫，Pakho笑話佢比較少影，相信fans有佢最多嘅黑圖，唔介意搞個黑圖活動收集大家嘅「佳作」！咁就不如喺嚟緊嘅見面會舉行啦！呢日Pakho一次過帶嚟兩個好消息，先係透露計劃明年喺紅館開20周年演唱會，之後嘅就係兌現fans今年出3首歌嘅承諾，新歌s陸續有嚟！
另外，好友余文樂日前發聲明宣布離婚，Pakho表示私下有關心對方，知道余文樂係安頓好一切先公布，遲啲會再約出嚟Men’s talk！另一好友謝婷婷丁父憂，Pakho謂都有send message慰問，會喺對方身邊support！
