【Viu】Pakho周柏豪完成fans meeting keep住個hyper mode直落後台訪問，事隔7年返「屋企」唱歌超級感動，仲可以威畀一對仔女睇！不過知道嚟新場館、對住成班鄉親父老唱歌，都有壓力㗎喎，好彩最後冇淚崩，自認叻仔有99分！
講到嗰段18分鐘medley，Pakho笑話連人帶琴換咗幾間酒店練唱㗎！背後原因係因為成家都病晒，所以要拋妻棄子女「七街瞓」！但嚟到呢晚全家總動員出動力撐，尤其6歲大女Sonya仲有出一分力，朝早出完跳舞騷後幫手喺rehearsal嗰陣試咪jam《一事無成》，真係大個女啦！
有女萬事足嘅Pakho，一提起個女就勁冧豬，話個女係超級超級支持自己，咁唔知佢敢唔敢問個女鍾意自己多啲呀、定抑或鍾意偶像韓國女團BLACKPINK多啲？Pakho大讚個女跳唱有天分，遺傳到佢份興趣，依家仲係唔係咁抗拒個女入行？20周年若開得成紅館騷，就會係父女檔嘅首次公開演出？
對突然cue老best鄭融素顏合唱《一事無成》，Pakho笑話唔好意思，喺嗰個moment順住個勢就成就呢個世紀畫面！另外，Pakho又指同黃文標喺1月尾拍新歌《純粹想哭》MV，就察覺到標叔叔嘅身體情況，但標叔叔冇影響專業演出，更令角色個感覺昇華，祝福對方身體健康！想知周Daddy幾時開紅知騷？即刻click入嚟睇片！
