【Viu】Pakho周柏豪今日盛裝現身時裝品牌活動，喺紅色裇衫度開咗個蠱惑嘅細窿，算係另類方式騷肌？呢一年Pakho主力喺內地舉行見面會，佢開心預告香港站計劃當中，期待可以喺啟德、紅館開騷！Pakho指一對仔女都好support佢，尤其係大女可以睇足全場，佢又笑言細仔曾誤以為佢係巴士司機，會唔會太爆笑？
近日Pakho參加內地節目《披荊斬棘的哥哥》，同林曉峰、陳小春大跳「大展鴻圖」被網民笑表情似便秘，實情又係點？Pakho做咩揦口揦面？不過佢話仔仔覺得佢咁樣好有型喎！Pakho又指拍住小春呢個專業舞者，都係盡跟step，仲話當對方係精讀補習老師！至於講到佢擔任隊長一職，Pahko就話壓力山大啦，點解嘅？
同場仲有何超蓮、黃宗澤，而內地影后孫儷則壓軸登場，勁有氣質、皮膚又超光滑，點睇都唔似係4字頭！佢謙稱喺戲劇上仍然係一名「初中生」，有好多戲路、角色都想挑戰！最後佢仲醒咗幾招保養tips畀大家添，想知就要留意足本訪問啦！
