【Viu】MIRROR隊長Lokman楊樂文今日出席跳繩比賽開幕禮，仲同花式跳繩世界冠軍何柱霆進行花式跳繩vs街舞嘅對決，以及獻唱《如果電話亭》，型到地裂呀！Lokman表示拍攝《繩角》時最常跳繩，亦有跟同劇演員包括AK、Tiger等Battle跳繩，但文哥就謝絕公開賽果喇！
講到最近Keep住以鬚根Look示人，原來係角色需要，Lokman依家正忙拍由陳心遙監製嘅首部劇情片，再續《狂舞派》前緣，亦係文哥從未演過嘅角色，難怪佢笑認鬍鬚終於有機會報答自己嘅「養育之恩」喇，期待Max！
至於《W.T.F. 3.0》將於9月登陸澳門，Lokman多謝宇宙聽到大家許願，亦預告「Fing小組」會再出小組團歌，仲要係慢歌添喎，莫非同上次喺台灣偶遇AK有關？咦，咁會唔會係「港普慢歌」呢？
此外，「膊頭有花」嘅Lokman話MIRROR團綜會喺香港拍攝，仲立Flag想用公司錢挑戰一個item，想知係乜就睇足本訪問啦！
