【Viu】姜濤、Anson Lo盧瀚霆、Edan呂爵安同Jer柳應廷都有演出《第八屆 KKBOX 香港風雲榜－ Music Reborn》，姜濤台上成功向蕭秉治邀歌，受訪時大讚對方唱《追》廣東話好好，又因為口誤被Edan取笑：「中文字造字有倉頡；韓文造字靠姜濤！」笑爆全場！講返喺澳門騷唱《李香蘭》，姜濤自爆一度打算以周星馳「叼煙阿漆Look」上陣，仲自評表現不過不失。對於Stanley遺失嘅手機已「紅過羅湖」，姜登嘅回應都笑到碌地，Edan仲為此可以讓出伴郎之位畀姜濤，係咪好想知點解呢？
至於Anson Lo同Jer兩位「幼稚園雞」嘅互動同樣爆笑，當教主笑著Jer可以咬啖其手臂時，Jer語出驚人話：「喺鏡頭下面咬畀你睇！」令撈撈擔心老Best嘅精神狀態。教主當然有講返拍攝《The Season》嘅難忘事，仲話教父知道佢同Kōki,合作，好興奮咁話自己又同木村拓哉拉近一步；Jer就話同Eason合作電影感覺好夢幻！想笑餐飽就睇足本訪問啦！
