【Viu】Anson Kong江𤒹生今日出席品牌活動，除咗High爆扮楊過外，仲將香氛噴霧噴向一眾姑姑aka生粉，「電兔」果然電力十足呀！講到香水，AK封Ian做MIRROR「香香公子」第一名，咦？咁會唔會送支畀陳仔做生日禮物呢？大家自行解讀呢個「謎之表情」喇！
AK又憶述人生第一支香水係因為「去年」中學畢業參加謝師宴而買，仲話人生中第一次斷片亦係發生喺呢一日，又爆中學時因為口賤而做唔成「女殺手」，反而入行後多得生粉有品味，先知道受女仔歡迎嘅感覺喎！
最近忙於演出舞台劇《The Magic Hour 魔幻時刻》嘅AK，又分享同謝君豪嘅合作趣事，仲話頭場同觀眾互動環節差啲驚動到江爸添呀！
對於獲金庸次子查傳倜點名有楊過氣質，AK首先多謝查生賞識，仲話如果可以拍到金庸作品係成就解鎖，除咗楊過之外，自己仲心儀另一個經典角色，甚至可以為咗呢個角色剃頭咁話！想知就睇足本訪問啦！
