【Viu】首屆《香港 Comic Con 2026》今日揭幕，大使古天樂率6位星級國際嘉賓出席，有邊佑錫 x Christopher Lloyd x Norman Reedus x Mads Mikkelsen x Giancarlo Esposito x Daniel Logan！期間古天樂更以監製身份，宣布推出《斬魔君鍾馗》漫畫！
古生指啱啱時間太倉猝，未能逐一同星級國際嘉賓集郵兼傾偈，唔知古生會唔會盡地主之誼邀請嘉賓食餐飯？佢又笑話噚日已率先喺會場行咗個圈，最愛孫悟空figure，更搞笑出口術叫店主送，店主又點覆？古生仲話睇中一間係賣真跡簽名，唔知佢為買心頭好會預幾多位數字？本應話想cosplay現身嘅古生，最後點解打消念頭？
今次古生仲帶咗10件寶貝figure嚟展出，佢話已買重保險，亦有搵保安睇住，最怕係喺運輸上令寶貝「受傷」！笑提古生爆「小龍」凌文龍整爛War Machine支炮，由唔郁得變郁得，古生有冇心痛？小龍係唔係驚到鼻哥窿都冇肉？
另外，動畫《明日戰記：前傳》籌備進度如何？點解會揀黑貓Kooloo做IP？對George@P1X3L喺《城寨終章》演其私子生有咩睇法？有睇George嘅演出？想知嘅就即刻去片啦！
