【Viu】電影《我們不是什麼》 為慶祝票房破千萬，導演邱禮濤 、AK 江𤒹生、ANSONBEAN陳毅燊、譚耀文、Thor 駱振偉、李蕙敏及彭秀慧今晚齊集「暉仔」打工嘅茶餐廳，「找數」請觀眾食飯慶功。
邱導開心指會以1500萬做目標，到時就同Fans搞BBQ。有網友公開爭取導演安排戲中唱家班演員搞演唱會，邱導就開出1億票房條件喇！而AK重踏茶餐廳表示回憶滿滿，佢仲刻意素顏兼唔剃鬚配合場地氛圍添！ANSONBEAN話已預備咗紙筆畫低暉仔「捧餐」英姿，係愛呀！
AK又表示有恭喜Lokman憑《存酒人》 入圍角逐2026全球OTT大獎「最佳男配角」，講到被文隊長笑韓文差，AK又True爆認衰喎，ANSONBEAN預告6月中出新歌，AK即舉手自薦做MV「女」主角添呀，佢今日咁搞笑得唔得架？
另外，Thor及彭秀慧今晚化身茶餐廳水吧招呼Fans，彭秀慧仲沾沾已學識沖奶茶秘袂，呢舖可撈part time咁話啦！而Thor就話目標寫啲連廚房都唔識睇嘅單，咁就型啦！二人今日同譚哥「情敵」合體，譚哥笑指㷫烚烚呀！想繼續笑就睇訪問片啦！
