【Viu】《25+英皇群星演唱會》今晚喺啟德主場館舉行尾場，Twins繼續孖Kenny關智斌打頭陣唱《戀愛大過天》、《眼紅館》等經典歌，氣氛熱烈。其後呢3位老best鬥搶口，Kenny稱：「喺公司咁多年，我哋好似長唔大咁！」阿Sa即搶答：「特別係智商。諗返自己原來17歲就簽公司。」到Kenny話：「做埋人妻啦！婚都結埋！」3人又表示多謝經理人Mani當年有慧眼，無懼佢哋「岩岩巉巉」，Kenny再笑指阿Sa昔日包包臉：「你由11吋pizza變依家7吋pizza！」被阿Sa指由細靚到大嘅阿嬌則爆Mani當年日日打電話叫佢減肥，勁正！
古巨基孖一眾新晉歌手曾傲棐、王明德、黎展峯、洪助昇唱《戀無可戀》後，沙聲表示：「噚日食咗類固醇諗住開聲爆佢一下，點知今朝咳血絲。」而英皇大師姐容祖兒跳唱《隆重登場》簡直係高潮，落台前佢再震撼宣布：「下年呢度見！」
大師兄謝霆鋒戴超壓軸出場唱《逆行》，型到裂！不過最後有成part《活著VIVA》、《潛龍勿用》等Medley取消咗，英皇回應話因霆鋒今朝先喺成都返港，未趕及綵排，所以由佢自由選擇歌單。另外今晚吸引到子華神、許冠文、拉姑、霍震霆、惠英紅、周家怡、方中信、歐陽震華等嚟睇騷，快啲睇片please！
