【Viu】AK江𤒹生@MIRROR、ANSONBEAN陳毅燊呢對《我們不是什麼》 CP今早「拍拖」出席時裝店活動。「暉仔」同「Ike」公開爭取拍Road Trip旅遊節目，更順勢𢱑埋車、牙膏sponsor，仲話唔介意孖住做內衣褲代言。嚟緊AK孖導演邱禮濤出席《烏甸尼電影節》，本尊仲即場晒咗兩句意大利文打招呼，係叻嘅！佢又衷心感謝電影獲唔少小店自發請食飯幫佢哋宣傳，感受滿滿嘅愛！
講到日前喺《金像獎頒獎禮》台上被讀錯名做江「畢」生，AK坦言已習慣亦唔介意，仲話細個讀書時班主任亦有讀錯。咁當眾同姜濤kiss嘅感覺又係點？對於喺後台同Lokman夾計整蠱姜濤，AK謙稱未係有錢人Level，咁「死侍」一定係純純兔牙姜，只怪佢輸經驗咁話。
另外ANSONBEAN早前獲邀去德國柏林參與荷里活電影《米高積遜》首映，更被點名上台跳舞企正C位，Fat Fat呀！BEAN BEAN謙虛指細佬Ian Hannz跳偶像MJ招牌舞比佢更勁，仲喺柏林買了隻偶像特別版黑膠送俾細佬添！想睇呢兩兄弟幾有愛，快啲入嚟睇片！
