【Viu】張繼聰《WHAT’S NEXT LIVE 2026》演唱會今晚喺麥花臣舉行，除咗太太謝安琪同囡囡Kakaball捧場外，早排去咗澳洲留學嘅大仔張瞻亦驚喜現身，古天樂、姜濤、肥仔、Alton、阿Sa、王菀之、白只、楊偉倫、曾樂彤同森美等專誠捧場！
除咗載歌載舞外，阿聰嘅Talk當然係星中星，佢笑指大家都覺得佢似諧星，但其實佢以前係沉默寡言㗎，入行後發現好多靚女明星都鍾意幽默男，包括太太同阿Sa，內心即刻高呼：「天無絕人之路！」SLDPK呀！一直做緊「小諧星」嘅阿聰，因此好鍾意Edan嘅《小諧星》，Edan亦喺後半段登場同阿聰合唱，巧巧聽噃！
其後Edan以「聰哥」尊稱前輩，仲話封佢為「樂壇社工」，自己同姜濤都經常搵阿聰傾心事，仲爆阿姜今晚都有嚟睇騷！阿聰就話同Edan係「好猛」嘅男人，兩個麻甩佬會約出嚟傾心事，仲話：「互相陪伴對方走過困難日子！」阿聰又爆Edan後生可畏，仲分享當年喺日本拍攝《盜月者》嘅趣事，搞到Uncle即刻搵返團火呀！想知就睇現場實況啦！
