【Viu】張繼聰、姜濤、Edan同Stanley完成《生啤盃籃球明星賽》後，齊齊坐低受訪，皆因「大表登」都打到抽筋，Respect呀！阿聰笑認玩開「銀器」，唔介意再拎銀牌，Edan即搞Gag話：「我係黑氣石，你係銀氣石！」笑爆全場！
至於姜濤就話獲MVP係好彩，由於喺韓國拍小組綜藝冇乜時間練波，所以狀態未算最好。Edan隨即解釋喺韓國提早返港係因為親戚有事，唔明點解部份傳聞要影響到其他人，仲話會請花姐食飯，多謝佢頂替自己咁話！姜Admin都話今次拍團綜好開心，可以同隊友同花姐深入交流，仲爆笑解釋燒棉花糖一事，好Cute Cute囉！
此外，對於Stanley日前喺活動封Edan做老師，MIRROR三子就爆笑推舉另一位仁兄做「祖師爺」喇！想知就睇足本訪問啦！
