【Viu】林峯今日現身商場活動會見一眾「子民」，預告之後因為要連開兩部電影，所以攞咗幾日假先「交人」陪一陪老婆同個女！為準備電影《九龍城寨之終章》嘅拍攝，林峯話依家同班兄弟training當中，睇過劇本啲動作場口直言：「everybody甘！」為求真實吓吓嚟真，佢仲話因為始終係續集，所以都有一定嘅壓力！唔知林峯同邊位演員嘅對手戲最多？
對早前古天樂話最想林峯憑《尋秦記》提名金像獎影帝，林峯聽到表示開心，往後會keep住努力！至於講到古生呢期成日被敲碗開演唱會，倒不如以《尋》班底嚟個crossover騷，林峯又覺得有冇得諗？會拎多次張櫈出嚟嗎？日前見「龍芳CP」古生、宣萱十指緊扣行沙灘，會唔會都係《尋》嘅延續？佢又有冇份行沙灘？
另外，近日網傳林峯嘅標青中學相，唔少fans見到都讚佢由細到大都咁靚仔、眉清目秀，佢有冇私藏更多靚仔相？有冇人手上有佢嘅黑圖？去足本訪問片聽林峯點講！
