【2025年4月28日】《第43屆香港電影金像獎》已完美落幕，電影《九龍城寨之圍城》奪得「最佳電影」、「最佳導演」、「最佳攝影」等9個獎項，掃獎最多成為大贏家，真係飲得杯落！
監製莊澄、導演鄭保瑞與「龍捲風」古天樂、「城寨四子」林峯、劉俊謙、張文傑、胡子彤、「王九」伍允龍等，喺金像獎後現身慶功party，好熱鬧！對於電影橫掃9個獎，古天樂坦言好開心：「我好開心，真係攞好多獎！起碼證明呢部戲可以行出海外，去到日本、去到康城，我哋嘅努力冇白費。」鄭保瑞就話喺現場一直為台前幕後角逐嘅獎項緊張，仲表示對續集更有信心！
古生坦言受大環境影響，會更加考慮成本問題，至於《尋秦記》係唔係都市傳說？古生即刻話：「阿峯，你話畀人聽！」林峯就話：「部戲今年會出街。」古生再強調：「唔係傳說，好快會見！」快啲睇訪問啦！
