【Viu】「小明」Charmaine方皓玟原定上星期喺觀濱開騷，惟開騷前一日卻出post宣布因失聲取消演唱會，安排觀眾退飛！休息咗一個星期、有返把靚聲嘅小明今日嚟到新城宣傳新歌《Buried you（all I ever know）》，中氣十足話未死得！
點知一秒後就變懺悔mode，詳細說明失場原因，又自認低B兼弱智，究竟發生咩事？有冇諗過打開聲針頂硬上開騷？演唱會本來上年12月31日舉行，但因大埔火災延期，家陣延期咗兩次，今年有冇機會補償返畀fans？會再喺觀濱？定呢個場同佢八字唔夾？
呢次小明話主力睇中醫，飲藥當飯食，搞到變咗藥煲零胃口！不過小明笑言8歲仔Luca一啲都冇擔心自己，仲開心share佢同仔仔平時嘅相處點滴！佢又爆年紀輕輕嘅Luca已經係生意人，會自家設計紙製品嘅翡翠首飾、4卡珠寶、Channel包包，繼而向佢、婆婆、工人姐姐兜售，認真笑爆嘴！唔知Luca係咪儲埋啲真錢嚟買件堅嘢畀小明？講講吓，小明突然醒覺，推敲返失聲可能因為收得多愛心「紙紮品」唔老嚟，SLDPK！另外，小明又預告喺Threads聽到有台灣fans嘅召喚，年尾或會飛台灣開騷，想知更多就睇足本訪問啦！
