為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
【Now.com】歌手方皓玟（小明）近日親力親為宣傳新歌《步兵記》，辛苦做足一日外賣「步兵」，又邀請步兵們試唱新歌。日前方皓玟登上MOOV獨家新推節目《MOOV樂談》，接受Head of MOOV - Eliza的訪問，透露今次新歌MV風格，及再度與伍仲衡合作的趣事，又大呻「下次我唔會再搵佢做監製！」。方皓玟又分享點解愛用Threads，更澄清自己是「單身歌手」，而非「失婚歌手」！
方皓玟新歌《步兵記》靈感來源自一班辛勤送餐的外賣步兵，方皓玟覺得步兵們的努力，就是屬於他們自己的傳奇，MV概念及風格更呼應了9年前推出的《你是你本身的傳奇》。方皓玟指希望歌曲可寫出香港的情懷暖意，又分享再度與伍仲衡合作的趣事：「覺得首歌適合佢，就搵佢做編監，但下次我唔會再搵佢做監製！因為佢太嚴啦，錄音個時捉我咬字捉得好緊，所以我怕左佢！但佢編曲真係好正，好有溫度。」
被問及近日在Threads上的言論引起關注，方皓玟認為：「而家冇一個所謂嘅image，人前人後我都係冇分別。Threads係一個露底嘅世界，你有咩想表達，有咩想宣傳，都可以係『脆』到講。例如張家輝，我覺得係一個好好嘅例子，佢哋都玩得出神入化，我哋都可以咁樣。」方皓玟又趁機澄清：「媒體好鍾意寫我『失婚歌手方皓玟』，真係唔好再將past tense嘅嘢係到講，已經過去咗。我而家其他係單身，個市場大好多。」
方皓玟的舞台服裝一向型格百變，談及2022年12月舉行的《MOOV Live RubberBand X 方皓玟》的長髮look時，小明興奮分享：「都係一個印象好深刻嘅衣著，一頭黑髮撞一身白衫係好靚，成件事好整齊乾淨。」
方皓玟新歌《步兵記》及《MOOV Live RubberBand X 方皓玟》、《MOOV Live 古巨基x方皓玟》可於MOOV收聽及收看。
