【Viu】Mchael許冠文、黃子華、鄭秀文、衛詩雅、周家怡、陳家樂等今晚出席《香港電影編劇家協會春茗及頒獎典禮》，當《破．地獄》遇上《夜王》當然笑料百出，Michael San直言睇好《夜王》打破《破．地獄》保持嘅票房紀錄，笑指「只有子華可以超越子華」，仲話睇完《夜王》後諗起年少輕狂嘅歲月，子華神聽到即刻拎起Michael San杯酒嚟澄清，笑爆全場！Michael San又話如果自己演《夜王》一定做唔到「歡哥」，頂盡做嫖客，仲要係最鹹濕嗰款，有料到喎！
至於Sammi直認7月開啟德騷，已經傾緊舞台設計同靚衫，仲話子華神已經諗定「上台大計」，咦？莫非係世紀合唱《藍天》，估唔到Michael San都想唱埋一份，令Sammi受寵若驚呀！此外，周家怡還原當晚睇完《夜王》午夜場後發生車禍嘅經過；衛詩雅就分享準備畀老公嘅生日驚喜，最正係兩位好戲之人連髮型都撞埋，已經約好喺英皇25周年家族騷表演咁話！
而「三金影后」章子怡憑《醬園弄·懸案》 嘅詹周氏一角，獲香港電影編劇家協會頒發「最佳電影角色獎」！佢開心話香港係寶地，事隔咁耐再嚟香港就獲肯定攞獎，真係完全冇諗過！問到子怡有冇信心憑呢齣戲三度封金像獎影后？佢謙虛話冇諗太多，又指啱啱喺春茗上係坐張家輝隔離，雙方都希望有機會合作，仲諗定合作拍愛情片添！子怡又笑言有聽過「渣渣輝」呢個大名，覺得好可愛咁話！子怡透露首度自導自演嘅電影未有咁耐開拍，對易角嘅傳聞，佢又點回應？想知就睇足本訪問啦！
