【Viu】《破‧地獄》上映踏入第11週，噚日Michael許冠文，Michelle衛詩雅同導演陳茂賢繼續孖住謝票，並宣布最新港澳票房突破1億5千8百萬，係威嘅！不過Michael San未滿意㗎！佢笑稱希望票房收夠2.2億咁話！「仲有6000萬左右就可以破到香港所有電影嘅紀錄，嗰部係2億2千萬票房嘅《End Game》（《復仇者聯盟：終局之戰》），如果大家已經睇咗4次，唔爭在睇夠8次。」
Michael San更帶嚟一支靚紅酒即場送俾「囡囡」Michelle做結婚禮物，因為阿女結婚嗰日Michael San要同家人外遊未能去飲，所以提前送驚喜。Michael San又笑匠上身話：「之前我個女嫁之前，我都係同佢開咗支酒分享心事，仲同佢講咗好多男人嘅秘密，不過就唔方便喺呢度講。」而Michael就俾
「爸爸」搞到眼濕濕
，「好多謝Michael San，感覺真係多咗一個阿爸，好感動，我同佢個女一樣都係叫Michelle，所以特別有一份親切感。」想睇呢場謝票幾有愛？入嚟睇現場實況片啦！
