【Viu】賀歲片《夜王》今日搞咗個cosplay V姐謝票場，慶祝電影港澳票房衝破8,600萬，即「V姐」Sammi鄭秀文夠錢買東日，正式榮升老闆娘！席間揀咗3位cosplay得最正嘅「老闆」出嚟畀Sammi過目，到底邊個最神似？Sammi更有幫吳煒倫導演、阿Dee、芯駖、Hazel、Angelina「點睛」，個個變身做V姐！
東日謝票小隊亦有切蛋糕賀票房報捷，不過V姐笑言「ACE哥」阿Dee條數加埋街數仲有好多未清，會繼續落力跑數！咁下次模仿邊個好？係咪睇阿Dee頭話扮吳導？
Sammi話今次成績咁好係超乎想像，講到啱啱喺謝票聽到fans公開爭取開啟德騷，佢鬆口叫大家可以儲定錢，咁若然事成，會唔會搵埋東日family上台玩？而東日family係咪真係會出soundtrack碟？
東日family趁日前元宵開live，吳導提到構思緊係咪開拍喪屍片，「歡哥」黃子華舉手話想被喪屍咬，事隔幾日係咪已經度好條橋？為爭取演喪屍，阿Dee、芯駖、Hazel落力自sell！對劉青雲早前自爆好想演「歡哥」畀女圍，吳導即場度咗「女子監獄」mix「喪屍」小橋段，Sammi又想點發圍？而Renci上電台受訪談戲份被cut，直指吳導最慘，吳導封Renci做「愛心大使」，之後仲講咗啲咩？各位老闆想知就睇足本訪問啦！
