舞台劇《三一萬能合》4月登場，凌文龍、岑珈其、Sica何洛瑤同埋麥沛東組成爆笑兵團，劇名玩致敬經典動畫，講三個男人為追求完美接受「合體」手術，抽優點打造終極型男，各位由海報造型率先引爆笑彈！
劇情要佢哋自揭缺點，岑珈其自爆角色同自己一樣有濕疹煩惱，麥沛東稱自己「暫時冇缺點」，到時演出先揭曉。Sica完美主義上身，自認冇缺點，但即場被踢爆為咗一粒暗瘡會請假喎！凌文龍就話自己冇自信，成日要提醒自己唔好驚！
成個團隊由排練到工作坊都玩到「膽生毛」，完全冇包袱。想睇佢哋點樣將生活小困擾變成舞台魅力？記得入嚟睇訪問啦！
