【Viu】《賀歲盃2026》今日喺香港大球場舉行，適逢大年初五，COLLAR唱完《暴走女團》後，即刻一輪嘴「馬上」送祝福，再送上《HOME RUN》，七位女神載歌載舞，梗係大受現場男性球迷歡迎，應援聲拍得住港隊㗎！緊接登場嘅Ian就接連獻上兩首冧歌《DWBF》同《留一天與你喘息》，文青頸巾Look配以陳仔招牌甜笑，真係冧到暈呀！
至於壓軸登場嘅Anson Lo以《Heartbreaker》炒熱全場，仲專登將《Gimme Gimme》改編做「賀年版」，加插拜年動作，Dancers跳跳吓仲齊齊拎埋利是出嚟，High爆全場！想感受現場熾熱氣氛就睇現場實況啦！
