【Viu】AK@MIRROR今日同「劉太」甘比齊齊以頒獎嘉賓身份，嚟到麻雀王挑戰賽頒獎禮，生粉s當然一早就嚟霸靚位撐男神啦！喺玩遊戲環節，AK繼日前爆「風穴來空」後，呢日再創「八達享通」新詞，事後佢自己都笑言堅係可以出一本AK語錄，由依家開始用3年時間籌備，到時年宵見大家！
提到打牌，AK謙稱仲係喺新手村，成日衰衝動就出銃，不過都試過食十三么嘅，咁都勁呀！會唔會同MIRROR班「雀友」切磋？佢話之前飛澳洲拍團綜，成日聽到Jer大叫，所以估佢應該唔太勁，若然下年再搞麻雀賽，可以免Jer嘅報名費！咁AK又會唔會落埋場？
AK透露農曆新年要開劇，透露角色係偏向反派，仲爆埋會有好大膽嘅嘗試，肯定大家睇劇嗰陣會嘩嘩聲，預先叫定大家要用健康視覺欣賞，仲話啲戲服係Deep V加開高衩！咁啱Frankie早前自爆將會喺舞台劇除淨底褲，兩位邊個尺度大啲先？
講到大表哥宣布訂婚，AK搞笑話到時可以高歌《二次覺醒》！咁團con方面，AK有機同Jeremy組小組表演嗎？另外，甘比自稱喺麻雀枱上係「魚腩」，所以麻麻哋打牌！農曆新年將至，甘比話一早辦好晒年貨，仲已經整咗6底年糕添，唔知邊位有緣人食到？佢仲有咩新年習俗必做？即刻去睇足本訪問！
