【Viu】Edan呂爵安今日出席香水活動，獲大批「爵屎」撐場，Edan仲「融入家中」齊齊舉牌應援，相當寵粉！講到日前自爆中六合彩，身懷「黑氣石」嘅Edan表示每注中40蚊已經係「最高紀錄」，加上今次買咗20注電腦飛先中獎，其實係倒蝕嘅，純粹攞個好意頭，仲笑言希望《金多寶》票房好過40蚊咁話！咦？咁新春賭局又係咪輸多贏少呢？Edan就慨嘆交咗好多學費畀Fatboy㗎，仲取笑對方係「搵食」嘅，「魚腩」就非Stanley莫屬。之但係大表哥日前宣布訂婚，今年應該好旺，Edan就搞Gag自認係「知情人士」，仲早過Jeremy知：「我由《全民造星》已經知喇！」又笑言當年排練嘅爆肌Item就係為Stanley向Alina求婚而準備嘅，有料喎！
