Anson Lo今日出席新碟《KINGDOM》簽唱會，吸引過千「神徒BB」捧場，教主除咗唱跳同孖Fans玩遊戲，又親自拍低「粉紅海」，果然係寵粉教主！AL預告2026大計係會推出「雙單曲」，仲會喺年中再拍劇，而且仲係喜劇喎！咦？咁會唔會係「登神」再合體呢？撈撈就話唔係，只話：「女主角喺戲劇上冇合作過！」莫非MV合作過？大家估唔估到呀！
講到日前喺Live畀Stanley踢爆ig有「密友圈」，撈撈笑指要將Stanley「降呢」做「疏堂大表哥」，但都大方分享「密友內容」，原來係講呢啲㗎！想同教主變密友？想知「教庭」旅行有咩趣事，睇足本訪問就知啦！
