Dee@ERROR今日堅係勤力過隻牛，話咁快就喺愉景灣「生啤跑」跑到過嚟中環，同Renci新組嘅「蒜蓉白菜仔」組合聚首宣傳！Dee哥繼朝早受訪還原準備激吻情況後，即場再二度倒帶，被師妹芯駖@COLLAR搞笑challenge下次可以再食鹹魚再「惹味」啲，Dee哥又點反擊？
3年前《毒舌大狀》票房破億，Dee哥「找數」露股，若然今次《夜王》嘅票房再創新高，Dee哥又可以點加碼？「搶口擔當」芯駖再次度橋，拋出「露前面」呢個建議，Dee哥肯唔肯先？定要搵埋阿卵楊偉倫壯膽一齊露？
至於講到阿卵被網民指同許志安撞樣，阿卵抵死笑言多謝Sammi錯愛，又指其實喺MV入面佢係「喜羊羊」，而Dee哥就係「灰太郎」，SLDPK！佢哋笑談拍MV嘅趣事，話點學都chok唔到Sammi咁有型，又成日搞到Sammi笑場！
「小野」盧鎮業指未知係咪會刪走佢同Louise王丹妮嘅火辣情慾戲，要等上映嗰陣揭曉！對Dee哥拍激吻戲前食蒜蓉白菜仔，Louise笑指小野算有人性，冇亂食嘢！而自稱拍開情慾戲嘅Fish廖子妤，有冇以前輩身份指點兩位後輩？Louise有冇向老公羅孝勇備案？
講到每套戲服都勁sexy，Fish自爆拍跳舞戲爭啲跳甩nude bra？佢又笑言為咗視覺效果，都有攝啲pad，秒被男友小野開玩笑話如果演流浪角色就唔使攝，講完驚唔驚今晚要跪玻璃？想知佢哋仲有劇透咗啲咩？即刻去睇足本訪問！
