【Viu】陳家樂同太太連詩雅着情侶Tee孖住跑渣馬10K，喺一家三口輪住病嘅情況下，兩口子都完成到比賽已經好勁！家樂以1小時09分完成，太太則慢4分鐘。家樂話賽前有練幾個月，但成績未夠理想，希望兩公婆可挑戰海外馬拉松。
周家怡帶病上陣，以2小時22分完成半馬，佢話曾經諗過放棄唔嚟，好彩身邊多誘惑令佢忍唔住要繼續，但就太攰Join唔到發哥食鮑參翅肚慶功了！而黃美棋亦以1小時31分完成10K，佢話老公Ray今年初嘗半馬，出年佢都想試吓！
Inez梁諾妍輕鬆以1小時48分跑完半馬，佢話因為起跑時間太陽已出來了所以影響咗成績，破唔到PB，希望出年可以要求大會安排佢早啲起跑。
Pony蔡寶欣係女星中罕有挑戰全馬，亦僅花3小時57分完成，Pony話沿途睇住日出跑原來好爽，仲話目標係玩100K毅行者，勁呀！跑半馬嘅米露迪話太曬係最辛苦，前中段成績唔理想，尾段索性放棄表情管理追成績，難怪2小時04分就完成。想睇女子組有幾猛，訪問片等緊你！
