0
0
足本訪問:193睇完運動員「三角地帶」勁自豪 孖肥仔爭認「明禎男友」:「頭啖湯一定係我!」見Hellosss房屋署署長 要幫ERROR爭取公屋

足本訪問:193睇完運動員「三角地帶」勁自豪 孖肥仔爭認「明禎男友」:「頭啖湯一定係我!」見Hellosss房屋署署長 要幫ERROR爭取公屋

【Viu】ERROR嘅肥仔同193、米露迪、Pony蔡寶欣同Dixon黃奕晨今日出席奧運活動,3爺透露噚晚通宵睇奧運開幕,「盛讚」攞鏡同剪接效果,又話最鍾意睇跳水同游水運動員沖身,尤其係focus「三角地帶」,會令自己好沾沾,仲話因為搬公司而要幫肥仔改名做「將軍澳蘑菇獸」,笑到肥仔抽筋咁滯呀!

日前喺英國拍攝《撞鬼自駕遊2》返港嘅3爺,分享撞鬼經歷時,誤爆同米媽「同房」,肥仔即刻「執雞」笑指「同房」先係最得人驚!講講吓,兩位仲爭住認係「林明禎男友」,笑言要Edan「食死貓」唔好意思,係咪好想知點解呢?

講到今日孖房屋局常任秘書長兼房屋署署長羅淑佩同場,3爺希望署長可以唔止鍾意Ian,可以鍾意埋ERROR,仲公開爭取一系列訴求,笑到有腹肌!

此外,Dixon都睇晒奧運開幕,最驚喜係Celine Dion現身獻唱,又畀米媽同Pony夾擊,迫佢承認公司多靚女!想笑餐飽就睇足本訪問喇!

 

 

  1. 更多