【Viu】ERROR嘅肥仔同193、米露迪、Pony蔡寶欣同Dixon黃奕晨今日出席奧運活動，3爺透露噚晚通宵睇奧運開幕，「盛讚」攞鏡同剪接效果，又話最鍾意睇跳水同游水運動員沖身，尤其係focus「三角地帶」，會令自己好沾沾，仲話因為搬公司而要幫肥仔改名做「將軍澳蘑菇獸」，笑到肥仔抽筋咁滯呀！
日前喺英國拍攝《撞鬼自駕遊2》返港嘅3爺，分享撞鬼經歷時，誤爆同米媽「同房」，肥仔即刻「執雞」笑指「同房」先係最得人驚！講講吓，兩位仲爭住認係「林明禎男友」，笑言要Edan「食死貓」唔好意思，係咪好想知點解呢？
講到今日孖房屋局常任秘書長兼房屋署署長羅淑佩同場，3爺希望署長可以唔止鍾意Ian，可以鍾意埋ERROR，仲公開爭取一系列訴求，笑到有腹肌！
此外，Dixon都睇晒奧運開幕，最驚喜係Celine Dion現身獻唱，又畀米媽同Pony夾擊，迫佢承認公司多靚女！想笑餐飽就睇足本訪問喇！
