【Viu】「Benz雄」女兒許惠菁（Charmine）今日出席街巿活動，仲即席下廚一展身手，但就笑認只叻整餅，以往新年都係負責「等食」。講到今年農曆新年未能一家團聚，Charmine話之前聖誕同新年都冇咗爸爸陪伴，惟有好似以往一樣，當爸爸去咗開工，亦感謝一班朋友專誠上屋企陪媽咪同自己，包括「家姐」佘詩曼、高海寧同麥長青等，又話覺得阿佘比自己更堅強，可以喺心情未平復時應付繁重嘅工作，期間仲講到眼濕濕，令人動容。
Charmine又話有同爸爸喺夢中見面，雖然唔記得咗爸爸講乜，但記得氣氛係一貫搞笑嘅，亦希望爸爸多啲入夢同自己傾偈。Charmine直言同媽咪嘅心情仍然未平復，間唔中會「癲癲哋」輪流喊，但兩母女好似有「自動機制」咁，一個喊，另一個就唔喊，又話依家睇到嗲哋啲舊片都搞唔掂，所以暫時仲未可以更新嗲哋嘅社交網站。對於愛犬噚日離世，Charmine難掩傷痛話：「估唔到咁快又有一個屋企人走！」
此外，Charmine首度回應新加坡藝人洩露爸爸喪禮細節一事，原來對方至今依然未道歉。想了解更多就睇足本訪問啦！
