【Viu】靚媽Louisa麥明詩今日出活動，開心share同囝囝嘅生活點滴，包括麥媽媽近日post嘅嗰條片，見僅9個月大嘅囝囝咁快就已經喺high chair坐穩兼伸手拎奶嘴，自立能力非同月BB所及！Louisa先笑指要幫媽咪澄清，嗰個唔係奶嘴，而係匙羹，仲話動作唔係重點，由細鼓勵佢自己餵食，養成習慣係最基本！
Louisa形容囝囝係超E寶寶，勁social唔怕生保！每次出街都喪撩陌生人，無分男女，所以搞到呢對I人父母超大壓力，要跟住一齊social，笑死！又透露BB年紀細細就已經飛咗3轉，Louisa笑話囝囝已擁有世界觀，依家solo帶上機係冇問題，媽媽認真犀利！
問到呢對父母嘅分工，Louisa自稱係教育部，老公盛勁為就係娛樂部，所以囝囝痴爸爸多啲，會唔會呷醋㗎？有冇同老公開盤估囝囝會叫邊個先？之後講到老公喺佢生日武獅助慶送surprise，Louisa驚唔驚喜？
另外，對哥哥麥明山新出任養和醫院整形外科中心嘅駐院整形外科專科醫生，Louisa戥哥哥有新里程碑開心，會繼續互相支持，又指新一年就有好多消息，希望自己都好快有喜訊，莫非係追B？咁就留名等恭喜啦！
