【Viu】Louisa麥明詩產後首度復出，大晒Big爆兼Fit爆身形，Louisa透露修身進度良好，冇刻意要回復昔日體重，仲激讚老公盛勁為係「神隊友」，唔止幫手湊B，仲提供滿滿情緒價值畀自己，不時讚老婆仲靚過未結婚嗰陣，識玩呀！
Louisa表示已為「盛BB」改中文名，首重筆劃簡單，但唔想公開以免影響囝囝，英文名就留返佢長大後自行選擇，但就笑認「盛BB」對眼似足自己，希望將來身高似爸爸啦！Louisa又即席澄清尿片廣告中BB並非「盛BB」，亦唔打算一家三口接Job吸金，希望保護囝囝私隱咁話！
對於盛傳佢同馮盈盈友情不在，Louisa就澄清冇呢件事，對方稍後都會嚟探BB，而自己同老公亦開始恢復正常社交生活。講到早前林作媽咪Lily正正因為探B鬧出風波，Louisa冇責怪長輩將「盛BB」樣貌曝光，反而覺得係自己溝通得唔好，仲連消帶打回應埋被裕美質疑「借人博上位」嘅言論！想見證吓「十優」答問題有幾叻就睇足本訪問啦！
