【Viu】《2025年度叱咤樂壇流行榜頒獎典禮》圓滿結束，MC張天賦、陳蕾、Gareth.T孖康堤齊齊受訪，拎咗3個獎做大贏家嘅MC謙稱唔係獎王，但就開心話非常驕傲，估唔到堅係願望成真攞到the album of the year！
陳蕾就話攞唱作人獎好意外，攞得呢個獎就即係喺唱作方面受肯定、受鼓舞！點知就被張三歲篤爆上台喊，陳蕾又點還拖？而呢份感性亦帶到落嚟訪問，當陳蕾講起被DJ急急子嘅說話kick中，陳蕾又突然眼紅紅哽咽！佢又自爆所講嘅嗰番得獎感言，被台下一眾好友笑問佢係咪飲醉酒，到底發生咩事？
Gareth.T憑《用背脊唱情歌》攞「至尊歌曲大獎」，話都真係估唔到，不過係一早夾定音樂班底dress code，大褸後面印有歌詞，佢亦估唔到林公子咁有心思以同一個look嚟頒獎比佢！
首次join叱咤就攞咗生力軍女歌手金獎嘅康堤，話特別要多謝MC哥哥喎，點解呢？佢仲搞笑話要攞個獎返去同Daddy陳奕迅show off呀！會唔會同Daddy啲獎擺埋一齊？去年年尾康堤突然宣布同日本混血男友分手，overcome未？
COLLAR首奪組合金獎話好激動，隊長Gao被篤出嚟話喊先，相反「大喊包」芯駖、Winka就忍得住啦！而Day就攞咗生力軍女歌手銅獎，笑話有向Gao問講得獎感言嘅秘笈，原來最重要係最後加句金句，真係畀佢笑死！唔知COLLAR嚟緊會係邊位成員出solo？
講返起佢哋喺除夕參與造星家族澳門倒數騷，Marf、Day、Candy、Ivy、芯駖各自都有開心share同姜濤、Jeremy、P1X3L、Jer crossover嘅難忘事！Day仲有分享埋擔任姜濤亞博騷嘉賓嘅感受！想知就即刻去片睇足本訪問啦！
