【Viu】Jan林海峰每年現身《叱咤樂壇頒獎禮》都係最令人期待嘅畫面，今年《2025年度叱咤樂壇流行榜頒獎典禮》佢就負責頒「專業推介 叱咤十大」第一位，即「叱咤樂壇至尊歌曲大獎」。現場先播放一段Jan唱自家創作「來都來了」嘅歌，而監製German亦大癲到戴假髮模仿南京紅姐，笑Cry！佢拉住小提琴伴唱，及後仲有班人扮管弦樂團亂入一齊唱，爆笑程度Max！
後來染咗金毛兼戴黑超嘅Jan出場，隨即全程背住舞台，佢話：「我頒嘅當然係我最喜愛嘅歌啦，我用背脊頒情歌！」結果呼之欲出，由湯令山嘅《用背脊唱情歌》大熱獲獎。而湯令山亦身穿印有「唯有等歌迷去喜歡我」嘅皮褸上台領獎，睇嚟佢心聲都寫晒喺件褸度，其時阿Jan都唔擰返轉面，笑爆嘴！
另外艾粒就頒「我最喜愛」系列獎項，二人以港產動畫《世外》做底再配音講開場白，甚有心思，想Reloop？唔係唔入嚟睇現場實況片呀！
