【Viu】Gigi炎明熹順利完成亞博騷，一向要求高嘅Gigi自評只得5分（以10分滿），僅僅合格？點解嘅？佢解釋係因為喺encore嗰陣被歌詞感動到喊咗，搞到發揮唔到嗰4首歌嘅完整性！Gigi續話encore位所唱嘅歌、文字，其實係想向消防員致敬，因為佢有兩位親戚都係消防員，所以對大埔火災悲劇身同感受！
Funny底嘅Gigi再次提到佢呢晚嘅「Buddy」，就係「平安」啦！係咪開騷太大壓力搞到生暗瘡？講返佢話自己玩死自己單嘢，Gigi話因為音樂劇啱啱先完，而本身今晚只係簡單嘅fans meeting，諗住淨係同Gi炎粉玩遊戲、影吓相，點知最後變咗音樂會，咁不如即場揀日再搞？
